لاہور(این این آئی)ٹٹی ٹونٹی ورلڈکپ میں پاک بھارت معرکہ کے لیے ڈبلیو ڈبلیو ای کے سپر اسٹار ڈوین دی راک جانسن بھی میدان میں آگئے۔سماجی رابطے کی سائٹ ٹوئٹر پر ایک ویڈیو وائرل ہورہی ہے جس میں ڈبلیو ڈبلیو ای کے اسٹار ریسلر دی راک نے ٹی ٹونٹی ورلڈکپ میں پاک بھارت مقابلے کی تشہیر کررہے ہیں۔بھارتی چینل اسٹار اسپورٹس کی جانب سے پوسٹ کی گئی ویڈیو میں دی راک کہتے ہیں کہ جب عظیم ترین حریف آپس میں ٹکرائیں گے تو دنیا ساکت کھڑی ہو جائے گی۔ یہ صرف ایک کرکٹ میچ نہیں۔دونوں روایتی حریفوں کے درمیان مقابلہ 23 اکتوبر کو میلبرن کے تاریخی کرکٹ گراؤنڈ میں اتوار کے روز کھیلا جائے گا۔