پشاور (این این آئی)عوامی نیشنل پارٹی (اے این پی)کے رہنما اور قومی اسمبلی کے حلقے این اے 31کے ضمنی انتخابات میں پاکستان تحریک انصاف کے چیئرمین عمران خان کے مدمقابل امیدوار غلام احمد بلور نے شکست تسلیم کرنے سے انکار کردیا۔نجی ٹی وی سے گفتگو میں غلام بلور نے کہاکہ عمران خان کی مقبولیت میں واضح کمی پر ہے، مجھے اتحادیوں نے استطاعت کے مطابق سپورٹ کیا۔انہوں نے کہا کہ شکست تسلیم نہیں کرتا، صوبائی حکومت کی انتظامیہ نے مجھے ہروایا ہے، الیکشن میں حکومت کی مشینری ہمارے خلاف خوب استعمال ہوئی، حکومت نے پولنگ اسٹیشن کے اندر و باہر اپنے لوگ تعینات کئے تھے۔غلام بلورنے کہاکہ مشورہ کرکے الیکشن کمیشن یا ہائی کورٹ جاں گا، مردان اور چارسدہ کے نتائج کا علم نہیں۔