اسلام آباد(آن لائن) وزیراعظم شہباز شریف سے آرمی چیف جنرل قمر جاوید باجوہ نے ملاقات کی، ذرائع کے مطابق وزیراعظم ہاؤس میں جمعہ کو ہونے والی اس ملاقات میں قومی و داخلی سلامتی سے متعلق اہم امور زیر غور آئے۔ ملک کی مجموعی امن وامان کی صورتحال پر بھی دونوں میں گفتگو ہوئی خاص طور پر سوات کی صورتحال کا تفصیلی جائزہ لیاگیا اور اس بات پر اتفاق کیاگیا کہ کسی کو بھی ملک کا امن خراب کرنے کی اجازت نہیں دی جائے گی افواج پاکستان اور سکیورٹی اداروں نے جو قربانیاں دی ہیں ان کو رائیگاں نہیں جانے دیا جائیگا جو عناصر ملک میں بدامنی پیدا کرنے کی کوشش کررہے ہیں ان سے آہنی ہاتھوں سے نمٹا جائیگا اور حکومت ریاست کی رٹ کو برقرار رکھنے کیلئے تمام تر اقدامات اٹھائے گی۔