کراچی(این این آئی)ہیلمیٹ کا استعمال اب موٹر سائیکل سوار ٹریفک پولیس اہلکاروں کے لیے بھی لازم ہو گیا۔تفصیلات کے مطابق ڈی آئی جی ٹریفک پولیس احمد نواز نے حکم نامہ جاری کر دیا۔ڈی آئی جی ٹریفک پولیس نے ہدایت دیتے ہوئے کہا کہ ڈیوٹی پر جاتے اور آتے وقت ٹریفک پولیس اہلکار ہیلمیٹ کا لازمی استعمال کریں، ہیلمیٹ نہ پہننے کی صورت میں قانونی کارروائی کے ساتھ محکمانہ کارروائی بھی عمل میں لائی جائے گی۔ڈی آئی جی ٹریفک پولیس نے حکم نامہ جاری کرتے ہوئے کہا کہ سادہ لباس ٹریفک پولیس اہلکار بھی حکم نامے پر عمل کرنے کے پابند ہونگے۔

موضوعات:ہیلمیٹ