لاہور ( این این آئی) مکہ مکرمہ میں حج کے خطبے کے امام ڈاکٹر محمد بن عبدالکریم العیسی آج بروز جمعہ کو لاہور کی بادشاہی مسجد میں نماز پڑھائیں گے۔بادشاہی مسجد کے خطیب اور چیئرمین رویت ہلال کمیٹی مولانا عبدالخبیر آزاد نے بتایا کہ خطیب اور امام حج ڈاکٹر شیخ محمد بن عبدالکریم العیسی ساڑھے 12 بجے نماز جمعہ کا خطبہ دیں گے۔ان کا کہنا تھا کہ یہ اہلیان لاہور کیلئے بڑے اعزاز اور فخر کی بات ہے کہ عالم اسلام کی عظیم شخصیت سیکرٹری جنرل رابطہ عالم اسلامی یہاں آ رہے ہیں۔انہوں نے اپیل کی کہ زیادہ سے زیادہ لوگ شرکت کر کے فیض یاب ہوں۔