اسلام آباد(آن لائن) پی ٹی آئی کے رہنما سینیٹر فیصل جاوید نے کہا ہے کہ عدالت کا قومی اسمبلی میں واپس جانے والا مشورہ مناسب ہے عمران خان چند ہفتوں کے اندر وزیر اعظم کا حلف اٹھائیں گے۔ اسلام آباد ہائی کورٹ کے باہر میڈیا سے گفتگو کرتے ہوئے فیصل جاوید نے کہا کہ عمران خان عدلیہ کا احترام کرتے ہیں، انہوں نے ہمیشہ قانون کا احترام کرنے کی بات کی ہے۔فیصل جاوید کا کہنا تھا کہ عمران خان ملک کے لئے سوچ رہے ہیں، ان کے بیرون ملک اثاثے نہیں ہیں، تمام تر مسائل کا حل ہی الیکشن ہے، عوام نے اپنا فیصلہ سنا دیا ہے۔فیصل جاوید نے مزید کہا کہ ہم تو اب یہ سوچ رہے ہیں کہ وزیراعظم عمران خان حلف برداری کی تقریب کیسے اور کہاں کریں؟