راولپنڈی(این این آئی)پاکستان عوامی مسلم لیگ کے سربراہ شیخ رشید کو دھمکی آمیز فون کال موصول ہوئی، جس کے بعد انھوں نے متعلقہ حکام کوآگاہ کردیا ہے۔جمعرات کو عوامی مسلم لیگ کے سربراہ شیخ رشید نے انکشاف کیا کہ مجھے دھمکی آمیز فون کال موصول ہوئی۔شیخ رشید نے کہا کہ اس حوالے سے متعلقہ حکام کوآگاہ کردیا، تھانے میں بھی درخواست دے رہا ہوں۔سابق وزیر داخلہ شیخ رشید نے فون پرملنے والی دھمکیوں کیخلاف تھانہ کوہسار میں درخواست دے دی۔شیخ رشید نے درخواست میں دھمکی آمیز کال کا نمبر بھی دیا اور کہا لال حویلی کے لینڈ لائن نمبر پر دھمکی آمیز کال موصول ہوئی۔