اسلام آباد (آن لائن وفاقی وزیر داخلہ رانا ثناء اللہ نے کہا ہے کہ ریاست کے دارلخلافہ پر چڑھائی کے لیے جو صوبے لانگ مارچ کو سپورٹ کرینگے اس کے خلاف کارروائی کا اختیار آئین پاکستان وفاقی حکومت کو دیتا ہے،بدھ کے روز پاکستان تحریک انصاف کے متوقع احتجاج پر ردعمل ظاہر
کرتے ہوئے وفاقی وزیر داخلہ رانا ثناء اللہ نے کہا کہ احتجاج تحریک انصاف کا آئینی حق ہے لیکن وہ سپریم کورٹ کی مختص کی گئی جگہ پر احتجاج کریں تو ہم ان کو سیکورٹی فراہم کریں گے لیکن اگر وہ ڈی چوک کی طرف آئینگے تو پھر ان کو دھونی دی جائے گی۔ وزیر داخلہ نے تحریک انصاف کے لانگ مارچ پر صوبوں کے حوالے سے موقف اختیار کیا کہ ریاست کے دارلخلافہ پر چڑھائی کے لیے جو صوبے لانگ مارچ کو سپورٹ کرینگے اس کے خلاف کاروائی کا اختیار آئین پاکستان وفاقی حکومت کو دیتا ہے۔ یہ معاملہ وفاقی کابینہ اور وزیر کے ساتھ ڈسکس کرکے اختیار کو استعمال کیا جائیگا۔اگر یہ لوگ ڈی چوک کا رخ کریں گے تو پھر ان کو دھونی دی جائے گئی، جس میں کرنٹ آجائے ہوگا اور یہ بھاگ جائیں گے، عمران خان جیسے احمق اور پاگل شخص کے ساتھ کوئی کوئی مزاکرات نہیں ہوسکتے۔انہوں نے مزید کہا کہ جن لوگوں نے اس کی حمایت کی تھی وہ بھی کانوں کو ہاتھ لگارہیں ہیں، اب اس شخص سے کوئی محفوظ نہیں۔
