کراچی (مانیٹرنگ ڈیسک) انگلینڈ کے خلاف پہلے ٹی ٹوئنٹی میچ میں شکست کے بعد محمد رضوان نے میڈیا سے بات چیت کرتے ہوئے کہا کہ ٹیم میں تھوڑی سی تبدیلیاں کر رہے ہیں، تبدیلیاں کرتے ہیں تو غلطی تو ہو گی، ان کا کہنا تھا کہ جو لوگ میرے آف اسٹمپ کی بات کر رہے ہیں اللہ انہیں جزائے خیر دے، مجھے آف اسٹمپ پر کھیلنے کی ضرورت نہیں، ان کا کہنا تھا کہ میرے اور بابر کے اسٹرائیک ریٹ بارے جو بات کر رہے ہیں اللہ انہیں جزائے خیر دے، ان کا کہنا تھا جو لوگ بری نیت سے ٹیم کے لئے بات کر رہے ہیں اللہ انہیں بھی ذلیل کرے گا۔