اسلام آباد (مانیٹرنگ ڈیسک ،این این آئی)ترجمان پی ڈی ایم حافظ حمداللہ نے چیئرمین پی ٹی آئی کو مخاطب ہوتے ہوئےکہا ہے کہ آپ کی حیثیت ” نکے ”کی ہے ”ابے ” سے آگے نکلنے کی کوشش مت کریں ، علاوہ ازیں سابق وزیراعظم عمران نیازی کے متنازع بیان پر ترجمان
پی ڈی ایم حافظ حمداللہ نے کہا ہے کہ شہبازگل کے بیان کے بعد عمران خان کا بیان آرمی میں تقسیم کی ایک اور سنگین سازش ہے ۔اپنے بیان میں حافظ حمد اللہ نے کہاکہ یہ شخص بیرونی ایجنڈے کے تحت پاکستان آرمی کو تباہ کرنے کے مشن پر گامزن ہے ،اگر عمران خان کا پسندیدہ آرمی چیف نہ لگایا گیا تو کیا وہ محب وطن نہیں ہوگا ؟،کیا یہ ہوسکتاہے کہ تھری سٹار یا فور سٹار آفیسر ہو اور محب وطن نہ ہو؟۔انہوں نے کہاکہ حب الوطنی کے سرٹیفیکیٹ بانٹنے کا ٹھیکہ عمران نیازی کوکس نے دیا ہے؟ ۔انہوں نے کہاکہ چیف سٹاف آف عمران نیازی اور چیف آف آرمی میں بہت فرق ہے عمران خان کو اس فرق کا احساس نہیں ۔انہوں نے کہاکہ عمران نیازی کان کھول کر سن لو آرمی چیف کی تعیناتی آئین کے مطابق وزیراعظم کا صوابدید ہے ،فیصلے آپ کے منشاء کے مطابق نہیں آئین اور قانون کے مطابق ہونگے ۔
عمران خان کو مشورہ ہے کہ آپ کی حیثیت ” نکے ” کی ہے ” ابے ” سے آگے نکلنے کی کوشش مت کرنا ۔
— Hafiz Hamdullah (@iHafizHamdullah) September 11, 2022
