دبئی (این این آئی)متحدہ عرب امارات میں جاری ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے بھارت کے خلاف ٹاس جیت کر فیلڈنگ کا فیصلہ کیا۔
دبئی انٹرنیشنل کرکٹ اسٹیڈیم میں کھیلے جارہے میچ میں پاکستان کے کپتان بابر اعظم نے ٹاس جیت کر بھارت کو پہلے بیٹنگ کی دعوت دے دی۔ٹاس کے موقع پر پاکستان کے کپتان بابر اور بھارت کے کپتان روہت شرما میچ ریفری اور پریزنٹر روی شاستری موجود تھے۔جیسے ہی روہت شرما نے سکہ ہوا میں اچھالا، بابر نے ٹیل کی کال کی تاہم روی شاستری نے بابر کی کال کو ہیڈ کہہ دیا۔سکہ جیسے ہی زمین پر گرا اور ٹیل آیا، اس دوران میچ ریفری تھوڑا کنفیوژضرور ہوئے، انہوں نے ٹیل کی آواز لگائی تو روہت شرما نے بابر کی جانب اشارہ کیا۔دوسری جانب سوشل میڈیا پر بھی روی شاستری کی اس غلطی پر تبصرے کیے گئے۔ایک صارف نے سوال اٹھایا کہ کیا روی شاستری نے ٹاس فکس کیا تھا؟
