پی ٹی آئی رہنما نے اپنی ہی حکومت کےکیمپس میں 70 فیصد سیلاب متاثرین کو جعلی قرار دیدیا

اسلام آباد(این این آئی)پاکستان تحریک انصاف کے سابق رکن قومی اسمبلی فضل محمد نے 70 فیصد سیلاب متاثرین کو جعلی قرار دیدیا۔

عوامی نیشنل پارٹی(اے این پی)خیبر پختونخوا کے صدر ایمل ولی خان نے ویڈیو شیئر کی، جس میں وزیراعلی محمود خان کو سیلاب متاثرین کے حوالے سے فضل محمد بریفنگ دے رہے ہیں۔فضل محمد نے بریفنگ میں کہا کہ کیمپس میں لوگوں کی اکثریت مزہ لینے کیلئے بیٹھی ہے،

یہ لوگ صرف سرکاری چیزیں ہڑپ کرنا چاہتے ہیں۔پی ٹی آئی ایم این اے نے مزید کہا کہ امدادی کیمپس میں موجود

صرف 30 فیصد ہی حقیقی متاثرین ہیں، باقی 70 فیصد لوگ مزے لینے کے لیے بیٹھے ہیں۔انہوں نے یہ بھی کہا کہ جن متاثرین کے گھر گرے تھے

یا انہیں نقصان پہنچا تھا وہ اپنے گھروں کو واپس لوٹ گئے ہیں۔اس حوالے سے اپنے بیان میں

ایمل ولی خان نے کہا کہ چارسدہ والوں جاگ جاو، فضل محمد نے 70 فیصد متاثرین سیلاب کو جعلی قرار دیا ہے۔