رضوان کو گلے لگانے پر بھارتی سوشل میڈیا پر  پانڈیا اور رضوان کے چرچے

دبئی (این این آئی)پاکستانی وکٹ کیپر بیٹر محمد رضوان اور بھارتی آل راؤنڈر ہاردک پانڈیا کی میچ کے دوران کی تصویر وائرل ہوگئی ہے جس میں پانڈیا نے رضوان کو گلے لگایا ہوا ہے۔

پاک بھارت میچ میں آل راؤنڈر ہاردِک پانڈیا 17 گیندوں پر 33 رنز بنا کر ناٹ آئوٹ رہے ، پلیئر آف دی میچ کے طور پر جتنا انہیں سراہا گیا، اس سے زیادہ محمد رضوان کو گلے لگانے کی فوٹو پر بات ہوئی۔ایک سوشل میڈیا صارف نے کہا کہ جس طرح کپل دیو

اور عمران خان اور پھر بعد میں ویرات کوہلی اور شاہین کی آپس میں گرمجوشی رہی، ہاردک اور رضوان کے درمیان یہ بالکل ویسا ہی لمحہ تھا۔

صارف نے کہا کہ یہ لمحہ بہت پسند آیا، دیکھ کر لگا کہ دنیا اتنی بری نہیں ہے۔ایک اور پوسٹ میں اسے بہت ہی کیوٹ

طرح سے گلے ملنا کہا گیا اور دوسری میں تعریف کی گئی کہ ہاردک نے پاکستان کو وکٹ تو نہیں دی لیکن محمد رضوان کو گلے ضرور لگایا۔