اسلام آباد (مانیٹرنگ ڈیسک /مانیٹرنگ )آئی ایم ایف سے پروگرام کی بحالی کے بعد پاکستان میں امریکی کرنسی ڈالر کی کی قیمت کو ریورس گئیر لگ گیا ۔ اسٹیٹ بینک آف پاکستان کی جانب سے جاری اعداد و شمار کے مطابق انٹربینک میں کاروبار کے

اختتام پر ڈالر 220.12 روپےکا ہے۔انٹربینک میں ڈالر کی قدر ایک روپے 79 پیسے کم ہوئی ہے۔اس کے علاوہ اوپن مارکیٹ میں ڈالر 8 روپے سستا ہوکر 222 روپےکا ہوگیا ہے۔خیال رہے کہ یاد رہے کہ عالمی مالیاتی ادارے (آئی ایم ایف)کے ایگزیکٹو بورڈ نے پاکستان کے ساتھ اسٹاف لیول معاہدے کی منظوری دیتے ہوئے پاکستان کو قرض کے اجرا کی منظوری دے دی ہے۔ ذرائع نے کہاکہ آئی ایم ایف نے پاکستان کو تقریبا1ارب17کروڑ ڈالر جاری کرنے کی منظوری دی ہے، آئی ایم ایف کی جانب سے اسی ہفتے پاکستان کو قرض کی رقم منتقل کر دی جائے گی۔وزیر خزانہ مفتاح اسماعیل نے کہاکہ الحمداللہ آئی ایم ایف بورڈ نے توسیع فنڈ سہولت کی منظوری دے دی، ہمیں ایک ارب 17 کروڑ ڈالر کی ساتویں اور آٹھویں قسط مل رہی ہے۔ مفتاح اسماعیل نے کہا کہ وزیر اعظم کا متعدد مشکل فیصلے لینے پر شکریہ ادا کرنا چاہتا ہوں۔انہوں نے کہا کہ وزیرا عظم کا پاکستان کو دیوالیہ ہونے سے بچانے پر شکریہ ادا کرنا چاہتا ہوں۔