لندن(این این آئی) پاکستان میں سیلاب کی تباہ کاریوں پر ملکہ برطانیہ نے تشویش کا اظہار کرتے ہوئے کہاہے کہ میری ہمدردیاں ان لوگوں کیساتھ ہیں جو متاثر ہوئے ہیں،خوفناک حالات سے نکلنے کیلئے برطانیہ پاکستان کیساتھ کھڑا ہے۔تفصیلات کے مطابق پاکستان میں سیلاب کی تباہ کاریوں پر ملکہ برطانیہ نے تشویش کا اظہار کرتے ہوئے صدر مملکت ڈاکٹر عارف علوی کے نام ایک خط لکھا ہے ۔ ملکہ برطانیہ میں اپنے خط میں کہا کہ میری ہمدردیاں ان لوگوں کیساتھ ہیں جو متاثر ہوئے ہیں،خوفناک حالات سے نکلنے کیلئے برطانیہ پاکستان کیساتھ کھڑا ہے۔ انہوں نے کہاکہ مجھے ان سے بھی ہمدردی ہے جوبحالی کی کوششوں میں مدد کیلئے کام کر رہے ہیں۔