راولپنڈی (این این آئی)آرمی چیف جنرل قمر جاوید باجوہ سے متحدہ عرب امارات (یو اے ای) کے حکام نے رابطہ کر کے امدادی سامان سے بھرے 20 جہاز بھیجنے کا اعلا ن کیا ہے۔آئی ایس پی آر کے مطابق آرمی چیف جنرل قمر جاوید باجوہ سے متحدہ عرب امارات (یو اے ای) کے حکام نے رابطہ کیا ہے، یو اے ای حکام نے پاکستان میں وسیع پیمانے پر آئے سیلاب کی تباہ کاریوں اور متاثرین کیلئے امدادی سامان بھیجنے پر بات چیت کی، اس موقع پر یو اے ای حکام کی طرف سے امدادی سامان سے بھرے 20 جہاز بھیجنے کا اعلان کیا گیا ہے، امدادی سامان پاکستان پہنچنے کے فوری بعد ملک بھر کے سیلاب متاثرین کو فراہم کیا جائے گا۔