اسلام آباد (مانیٹرنگ ڈیسک /این این آئی)پاکستان مسلم لیگ ن کے سینئر رہنما و وفاقی وزیر ریلوے سعد رفیق نے شوکت ترین اور محسن لغاری کی لیک آڈیو پر اپنے ردعمل کا اظہار کر تے ہوئے کہا ہے کہ میر جعفراور میر صادق کی بھٹکتی بدروحیں ،عمران نیازی اور شوکت ترین میں حلُول کر چُکی ہیں۔ سماجی رابطے کی ویب سائٹ ٹویٹر پر سعد رفیق کا کہنا تھاکہ

’’پس ثابت ھوا کہ میر جعفر ، میر صادق ، لارنس آف عریبیہ اور حسب بن صباح کی بھٹکتی بدروحیں فارن فنڈڈ عمران نیازی شوکت ترین اور انکے ساتھیوں میں حلُول کر چُکی ہیں ۔ لیگی رہنما نے عمرانی ٹولہ جس پر شیطاطین اترتے ہیں کا ہیش ٹیگ بھی استعمال کیا ہے۔ دوسری جانب شوکت ترین اور پنجاب و خیبر پختون خوا کے وزرائے خزانہ کی ٹیلیفونک گفتگو پر ملک بھر میں شدید ردعمل ، ”پاکستان کے غدار بے نقاب ”سوشل میڈیا پر ٹاپ ٹرینڈ بن گیا، پاکستانی عوام ملک کیخلاف ہونے والی اندرون خانہ سازشوں پر پھٹ پڑے اور کہا پاکستان کے غدار بے نقاب ہوگئے ، کارروائی تو ایسے لوگوں کیخلاف ہوئی چاہئے جو ملک کیخلاف سازشیں کرتے ہیں ۔ دوسری جانب نجی ٹی وی سے گفتگو کرتے ہوئے ایم کیو ایم پاکستان کے رہنما اور وفاقی وزیر فیصل سبزواری نے کہا کہ اسٹیک پر وزیرِ اعظم شہباز شریف کی حکومت نہیں ریاست ہے۔ان کا کہنا ہے کہ وفاقی حکومت نے آئی ایم ایف سے جس معاہدے پر گفتگو کی ہے وہ حفیظ شیخ اور شوکت ترین نے کیا تھا، جبکہ شہباز حکومت نے آئی ایم ایف اور پی ٹی آئی حکومت کے معاہدے کی پاسداری کی۔فیصل سبزواری کا مزید کہنا ہے کہ یہ کس ڈگر پر ملک کو لے جا رہے ہیں، انہوں نے جو حرکت کی ہے وہ شرمناک ہے، حب الوطنی کا پرچار کرنے والے ہمیں تو الفاظ کی بنیاد پر غدار قرار دیتے رہے ہیں۔متحدہ قومی موومنٹ (ایم کیو ایم) پاکستان کے رہنما اور وفاقی وزیر کا یہ بھی کہنا ہے کہ جس نے یہ حرکت کی ہے اور کرائی ہے وہ عام پاکستانی سے مخلص نہیں ۔

پس ثابت ھوا کہ

میر جعفر ، میر صادق ، لارنس آف عریبیہ اور حسن بن صباح کی بھٹکتی بدروحیں فارن فنڈڈ
عمران نیازی شوکت ترین اور انکے ساتھیوں میں حلُول کر چُکی ھیں #عمرانی_ٹولہ_جسپر_شیاطین_اترتے_ھیں

— Khawaja Saad Rafique (@KhSaad_Rafique) August 29, 2022