سکھر(این این آئی)بارش متاثرین کو ریلیف فراہمی کیلئے پی ٹی آئی ٹائیگرز دن رات مصروف عمل،رہنماؤں و کارکنان کا متاثرہ علاقوں کا دورہ،تعاون کی یقین دہانی ،متاثرین کو کسی صورت تنہا نہیں چھوڑینگے،پی ٹی آئی رہنما تفصیلات کے مطابق پاکستان تحریک انصاف صوبہ سندھ کے
سیکریٹری مبین جتوئی کی ہدایات پر بارش متاثرین کو ریلیف فراہمی کے سلسلے میں پی ٹی آئی سکھر کے سینئر رہنما داوا خان نے یاسین مہر ،اکبر خان و دیگر پی ٹی آئی ٹائیگرز کے ہمراہ شہر سکھر سمیت اسکے گرد نواح کے مختلف علاقوں نیو پنڈ ،احمد نگر،بھوسہ لائن ،پٹھان کالونی ،گھنٹہ گھر ،مہران مرکز و دیگر کادورہ کیا اور بارش متاثرین علاقہ مکینوں اور متاثرہ دکانداروں سے ملاقات کی اور انہیں پی ٹی آئی سمیت پاکستان تحریک انصاف صوبہ سندھ کے سیکریٹری مبین جتوئی کی جانب سے ہر ممکن ریلیف فراہمی کی یقین دہانی کرائی انہوں نے نیو پنڈ کے مختلف علاقوں میں چھتیں گرنے والے متاثرین سے ملاقات کی اور ہر ممکن تعاون کا یقین دلایا بعدازیں زرائع ابلاغ کے نمائندگان سے گفتگو کرتے ہوئے پی ٹی آئی رہنما داوا خان و دیگر کاکہنا تھا کہ پیشگی اطلاع ملنے پر اگر سرکاری محکمے پہلے ہی اقدامات کرلیتے تو سکھر اور اسکے گردنواح کی یہی صورتحال نا ہوتی، حکومت سندھ کے بلند و بانگ دعوی کے باوجود متاثرین ابتک امداد کے منتظر ہیں ،شہر کے مختلف علاقوں میں نکاسی نظام مفلوج ہے جگہ جگہ گندگی کے ڈھیر موجود ہیں لیکن عوامی شکایات کے باوجود کوئی پرسان حال نہیں آٹھ روز سے متاثرہ علاقوں میں نا تو پانی فراہم کیا جارہا ہے اور ناہی صفائی کا عمل شروع ہوسکا ہے پی ٹی آئی متاثرین کو اس مصبیت کی گھڑی میں کسی صورت تنہا نہیں چھوڑیگی۔
