اسلام آباد (نیوز ڈیسک)گوجرانوالہ ڈیولپمنٹ اتھارٹی نے پنجاب میں مزید 191 غیر قانونی ہاؤسنگ سوسائٹیوں کی نشاندہی کرتے ہوئے

ان کی فہرست اپنی سرکاری ویب سائٹ پر جاری کر دی ہے۔جی ڈی اے کے مطابق کسی بھی نجی ہاؤسنگ اسکیم کو پلاٹس کی فروخت شروع کرنے سے قبل ادارے سے باقاعدہ منظوری لینا ضروری ہوتا ہے، تاہم فہرست میں شامل متعدد سوسائٹیز نے مطلوبہ این او سی اور قانونی اجازت حاصل نہیں کی۔ادارے کی جانب سے جاری کردہ فہرست میں علامہ اقبال ٹاؤن فیز I، اسٹیٹ لائف کوآپریٹو ہاؤسنگ اسکیم، تاج گارڈن، البرق گارڈن، گوجرانوالہ ہومز، سٹی ریزیڈنشیا، گرین پارک، عبداللہ گارڈنز، الرحمان سٹی اور آغوش ہاؤسنگ اسکیم سمیت کئی دیگر منصوبے شامل ہیں۔اس کے علاوہ حمزہ ٹاؤن، فلک سٹی، اسامہ پارک، محمد بخش پارک، احمد سٹی، اسمارٹ ہومز اور شہریار ٹاؤن سمیت متعدد دیگر رہائشی اسکیموں کو بھی غیر قانونی قرار دیا گیا ہے، جبکہ کئی بے نام سوسائٹیز بھی اس فہرست کا حصہ ہیں۔

جی ڈی اے نے شہریوں کو خبردار کیا ہے کہ کسی بھی ہاؤسنگ اسکیم میں سرمایہ کاری یا پلاٹ خریدنے سے پہلے متعلقہ ادارے سے اس کی قانونی حیثیت ضرور چیک کریں تاکہ مالی نقصان سے بچا جا سکے۔واضح رہے کہ اس سے قبل اسلام آباد اور لاہور میں بھی سینکڑوں غیر قانونی ہاؤسنگ سوسائٹیوں کی نشاندہی کی جا چکی ہے۔