سندھ، بلوچستان میں تیز بارشوں کا باعث بننے والا مون سون ہوا کا کم دباؤ ختم
کراچی (این این آئی)چیف میٹرولوجسٹ سردار سرفراز نے کہا ہے کہ وسطی سندھ اور شمال مشرقی بلوچستان میں
تیز بارشوں کا باعث بننے والے مون سون ہوا کا کم دباو ختم ہوگیا۔سردار سرفراز کے مطابق شمال مشرق بلوچستان میں کہیں کہیں معتدل بارش کا امکان ہے۔
چیف میٹرولوجسٹ نے بتایا کہ مشرقی اور شمال مشرقی بلوچستان میں سیلابی صورتحال موجود ہے،
سیلابی صورتحال سے دادو، قمبر شہداد کوٹ اور جیکب آباد کے متاثر ہونے کا امکان ہے۔
انہوں نے کہا کہ بحیرہ عرب میں بننے والی ایک سرکولیشن سے 29 اور 30 اگست کو بارش کا امکان ہے۔
سردار سرفراز نے بتایا کہ کراچی، جامشورو، دادو، جیکب آباد کے کچھ مقامات پر ہلکی بارش ہوسکتی ہے۔
29 اور 30 اگست کو خضدار لسبیلہ بھی ہلکی سے معتدل بارش کا امکان ہے، جبکہ 10 سے 12 دن مون سون کا کوئی سسٹم خلیج بنگال میں بننے کا امکان نہیں۔
