دبئی (این این آئی)قومی فاسٹ باؤلر شاہین شاہ آفریدی نے بھارتی کھلاڑیوں کے ساتھ ملاقات کی ۔شاہین شاہ آفریدی کی بھارتی کرکٹ ٹیم کے کھلاڑیوں کے ساتھ ملاقات پریکٹس سیشن کے دوران ہوئی ۔ بھارتی کرکٹر یزونیدر چاہل ، ویرات کوہلی ، ریشب پنٹ نے شاہین آفریدی سے ملاقات کی۔ویرات کوہلی نے شاہین آفریدی سے سوال کیاکہ انجری کب اور کیسے ہوئی کتنا وقت درکار ہے؟ ۔شاہین آفریدی نے جواب دیا کہ سری لنکا میں انجری کا شکار ہوا، ڈاکٹرز نے پانچ ہفتے آرام کا کہا ہے۔شاہین آفریدی اور ویرات کوہلی نے گفتگو میں کہاکہ آئی سی سی ٹی ٹونٹی ورلڈ کپ میں واپسی ہوگی ۔ پاکستانی کھلاڑی نے کہاکہ آپ کیلئے نیک خواہشات ہیں کہ آپ جلد کم بیک کریں ۔