عمان (این این آئی) اردن کی ایک خاتون ڈاکٹر نے دارالحکومت عمان میں اردن کے یونیورسٹی اسپتال کی بالائی منزل سے چھلانگ لگا کر اپنی زندگی کا خاتمہ کر لیا۔ کھڑکی سے چھلانگ لگانے سے پہلے اس نے ٹویٹر پر لکھا کہ اچھے کے لیے مجھے یاد
رکھنا یا بھول جانا۔میں نے سب کو بھلا دیا۔میڈیارپورٹس کے مطابق 1997 میں پیدا ہونے والی ڈاکٹر میرونا عصفورجو کہ 1997 میں اینستھیزیا کی فرسٹ ایئر کی طالبہ تھیں۔انہوں نے ہمیشہ اینستھیزیا کی خصوصیت پر عدم اطمینان کا اظہار کیا اور خواتین کی خصوصیت کو ترجیح دی۔ وہ ہمیشہ سوشل میڈیا پر اپنی زندگی ختم کرنے کے فیصلے کے بارے میں بات کرتی رہیں۔اردن کے ایک سکیورٹی ذریعے نے بتایا کہ سکیورٹی سروسز کو یونیورسٹی آف اردن اسپتال کے اندر سے ایک خاتون ڈاکٹر کی لاش ملی ہے اور لاش کو فرانزک میڈیسن کے شعبے میں منتقل کر دیا گیا۔ تحقیقات کے بعد ہی موت کی وجہ معلوم کی جا سکے گی۔ پولیس نے واقعے کی تحقیقات شروع کردی۔خود کشی کرنے والی ڈاکٹر مرونا عصفور کے اہل خانہ نے میڈیا اور سوشل میڈیا ایکٹوسٹس سے مطالبہ کیا کہ وہ اپنی بیٹی کی موت کی وجوہات کے بارے میں افواہیں پھیلانے سے باز رہیں اور سب سے اپیل کی کہ وہ اپنی بیٹی کے لیے رحمت اور مغفرت کی دعا کریں۔
