راولپنڈی (این این آئی) سابق پاکستانی کرکٹر شعیب اختر نے اپنی ایک ٹوئٹ میں ذخیرہ اندوزی اور سیلاب سے متاثرہ لوگوں کی مجبوریوں سے ناجائز منافع خوری پر اپنی ٹوئٹ میں لکھا ہے کہ میرے ہم وطنو، چلو جلدی سے سب کھانے پینی کی چیزیں ذخیرہ کر لو۔شعیب اختر نے اپنی ٹوئٹ میں طنز کرتے ہوئے لکھا کہ میرے ہم وطنو، سیلاب تباہی مچا رہا ہے ملک میں،چلو جلدی سے سب کھانے پینے کی چیزیں ذخیرہ کر لو۔انہوں نے لکھا کہ قیمتیں 4 سے 5 گناہ بڑھا دو،کسی کی مدد نہیں کرنا۔شعیب اختر نے اپنی ٹوئٹ میں طنز کرتے ہوئے لکھا کہ یہی تو وقت ہے منافع کمانے کا۔ اور سب کرتے ہوئے سیاست دانوں کو گالیاں دینا مت بھولنا کیونکہ غلط تو صرف وہی ہیں۔