گجرات(این این آئی) پاکستان پیپلز پارٹی کے سینئر رہنما بیرسٹر اعتزاز احسن نے وفاقی وزیر داخلہ رانا ثنا اللہ کو شہباز گل پر مبینہ تشدد کے معاملے پر تنقید کا نشانہ بناتے ہوئے کہاہے کہ رانا ثنا اللہ پیپلز پارٹی کیلئے شرمندگی کا باعث بن رہے ہیں۔رہنما پیپلز پارٹی اعتزاز احسن نے آبائی قصبے منگووال میں میڈیا سے گفتگو کرتے ہوئے کہا کہ شہباز گل کی گرفتاری پر پولیس نے زیادتی کی۔سابق سینیٹر نے کہا کہ پی پی دور میں نہ کوئی سیاسی قیدی تھا اور نہ ہی کسی کے ساتھ امتیازی سلوک ہوا، آج کل ٹارچر کے طریقے ایسے ہیں جس سے جسم پر نشانات نہیں پڑتے۔اعتزاز احسن نے کہا کہ وزیر داخلہ رانا ثنا اللہ کی سیاست پیپلز پارٹی کے لیے شرمندگی کا باعث بن رہی ہے۔