اسلام آباد (این این آئی)پاکستان کرکٹ ٹیم کے سابق کپتان محمد یوسف نے ملک میں طوفانی بارشوں سے پیدا ہونے والی سیلابی صورتحال پر اپنی ٹوئٹ میں قوم سے درخواست کی ہے کہ وہ استغفار اور اللہ سے رجوع کریں۔اپنی ٹوئٹ میں محمد یوسف نے کہا کہ قرآن میں آیا ہے کہ بحر و بر کے نظام میں جب بھی فساد اور خرابی آتی ہے انسانوں کے اعمال کی وجہ سے آتی۔یوسف نے لکھا کہ اسی طرح نبی کریم ؐ کی حدیث کامفہوم ہے کہ جب معاشرے میں حرام خوری، بے حیائی عام ہوں گے تو زمین پر آفات کا نزول بھی زیادہ ہو جائیگا۔اپنی ٹوئٹ میں محمد یوسف نے لوگوں سے اپیل کی کہ سیلاب نیجو تباہی مچائی ہوئی ہے، بحیثیت قوم ہم توبہ استغفار اور اللہ سے رجوع کریں۔

موضوعات:محمد یوسف