لاہور(این این آئی)ماضی میں فوج مخالف بیانات دینے پر سابق وزیر اعظم نواز شریف اور مسلم لیگ (ن)کی نائب صدر مریم نواز سمیت دیگر لیگی رہنماؤں کے خلاف مقدمے کے انعدراج کے لیے درخواست جمع کروا دی گئی۔اندراج مقدمہ کی درخواست لاہور کے تھانہ گرین ٹاؤن میں جمع کرائی گئی جس میں خواجہ آصف، سردار ایاز صادق اور پرویز رشید کے نام بھی شامل ہیں۔درخواست پاکستان تحریک انصاف سے تعلق رکھنے والے جنرل کونسلر ایڈووکیٹ جمیل سلیم کی جانب سے جمع کرائی گئی۔درخواست کے متن میں کہا گیاہے کہ نواز شریف نے مقتدر ادارے کے خلاف نازیبا زبان استعمال کی اور دشمن کو خوش کیا، خواجہ آصف، سردار ایاز صادق اور پرویز رشید نے بھی نازیبا بیان بازی کی۔