ممبئی (آن لائن) معروف کامیڈین و اداکار کرشنا ابھیشیک نے دی کپل شرما شو کو خیرباد کہہ دیا۔بھارت کے مقبول کامیڈی شو کا نیا سیزن کچھ ہی دنوں میں شروع ہونے جارہا ہے لیکن اس پروگرام کے مداحوں کو ایک بڑا دھچکا لگا ہے۔گزشتہ دنوں بھارتی سنگھ نے اعلان کیا تھا کہ وہ اب کپل شرما شو میں زیادہ نظر نہیں آئیں گی۔ اس کے بعد یہ خبریں سامنے آئیں کہ کرشنا نے بھی شو چھوڑ دیا۔تاہم اب کرشنا ابھیشیک نے خود تصدیق کی ہے کہ وہ کامیڈی شو کا حصہ نہیں ہوں گے۔ میڈیا سے گفتگو کے دوران انہوں نے کہا کہ میں اب یہ شو نہیں کروں گا اور اس کی وجہ پروگرام کے پروڈیوسرز کے ساتھ معاہدے کے مسائل ہیں ۔