کراچی(این این آئی) 9ارب روپے کی منی لانڈرنگ کے کیس میں اہم پیش رفت سامنے آئی ہے، اہم ملزم مرزا ایاز علی بیگ کو گرفتار کر لیا گیا۔
تفصیلات کے مطابق ایف بی آر انٹرنل آڈٹ نے نو ارب روپے کی منی لانڈرنگ کے کیس میں اہم ملزم مرزا ایاز علی بیگ کو گرفتار کر لیا۔ذرائع نے بتایاکہ گرفتار ملزم نے منی لانڈرنگ کے لیے کوالٹی انٹرنیشنل کے نام سے جعلی کمپنی بنائی ہوئی تھی،
ڈی ایچ اے فیز سیون کے نجی بینک کے کئی اکائونٹ ملزم کے زیر استعمال تھے۔ایف بی آر ذرائع کے مطابق نجی بینک کے اکائونٹس میں اربوں روپے کی ٹرانزیکشن کا ریکارڈ بھی حاصل کر لیا گیا
، ملزم کے قبضے سے منی لانڈرنگ کے حوالے سے فہرست بھی برآمد کر لی گئی ہے۔ذرائع نے بتایا کہ ملزم کا نام منی لانڈرنگ کی
درج ایف آئی آر میں بھی شامل ہے، گرفتار ملزم کے پاس بیٹری کمپنی کے مالک سے اور کئی شخصیات کی رقوم منتقلی کے
شواہد بھی حاصل کر لیے گئے۔ملزم کو آج کسٹم کورٹ میں ریمانڈ کے لیے پیش کیا جائے گا۔
