نیویارک(این این آئی) امریکی شہر نیویارک میں آن لائن ٹیکسی ڈرائیور نے جان پر کھیل بلڈنگ میں لگی آگ میں پھنسے افراد کو بچالیا۔امریکی اخبار کے مطابق ٹیکسی ڈرائیور فرٹز سیم معمول کے مطابق ڈیوٹی کر رہا تھا کے اس دوران بروکلن میں ایک بلڈنگ سے آگ کے

شعلیبلند ہوتے دیکھے۔ٹیکسی ڈارئیور کا کہنا تھا کہ کے بلڈنگ میں پھنسے لوگ مدد کے منتظر تھے،اس نے پریشان حالت میں بلڈنگ کے باہرکھڑے لوگوں سے معلومات حاصل کرنے کی کوشش کی لیکن کسی کے پاس کوئی جواب نہیں تھا،اسی دوران ساتھ بیٹھی خاتون پسنجر سے پوچھ کر بلڈنگ میں پھنسے لوگوں کی مدد کیلئے پہنچ گیا۔خاتون پسنجر کے مطابق ٹیکسی ڈرائیور آگ کی پرواہ کئے بغیر بلڈنگ میں داخل ہوا اور وہاں پھنسے افراد کو نکالنا شروع کردیا، بلڈنگ سے ایک ایسی خاتون کو بھی باہر نکالا جو اپنے حواس کھو چکی تھی۔انتظامیہ کی طرف سے فوری کارروائی کرتے ہوئے آگ پر قابو پالیا گیا،حادثہ میں کسی قسم کا کوئی جانی نقصان نہیں ہوا،پولیس نے آتشزدگی کے واقعے کے حوالے سے تحقیقات کا آغاز کردیا ہے۔بعد ازاں ٹیکسی مسافر جیمیما جیمز نے میڈیا کو بتایا کہ وہ ورمونٹ میں منعقدہ کانفرنس میں شرکت کیلئے ائیر پورٹ جارہی تھیں، راستے میں پیش آنیوالے واقعے پر انہیں ٹیکسی ڈارئیور کے موقف کی حمایت کرنا پڑی کیونکہ مشکل میں پھنسے لوگوں کی مدد کئے بغیر ان کے لئے آگے بڑھنا مشکل تھا۔