اسلام آباد(این این آئی) عوامی مسلم لیگ کے سربراہ شیخ رشید احمد نے کہا ہے کہ ملک کی سلامتی، دفاع،عزت عمران خان کے ساتھ ہے،جوعمران خان کے ساتھ نہیں وہ پاکستان کے ساتھ نہیں ہے، عمران خان پاکستان کے لوگوں کے دلوں میں راج کررہا ہے،
فوج سے درخواست کرتا ہوں حکمرانوں سے قوم کی جان چھڑائی جائے۔ ایف نائن پارک میں ریلی سے خطاب کرتے عوامی مسلم لیگ کے سربراہ شیخ رشید نے کہا کہ ملک کی سلامتی، دفاع،عزت عمران خان کے ساتھ ہے، جوعمران خان کے ساتھ نہیں وہ پاکستان کے ساتھ نہیں ہے، عمران خان پاکستان کے لوگوں کے دلوں میں راج کررہا ہے، عمران خان لوگوں کی جان ہے، سابق وزیراعظم خان لوگوں کی جرات ہیں، عمران خان پاکستان کا نشان ہے، عمران خان زرداری،شہبازشریف کیلئے سیاسی موت کا پیغام ہے۔انہوں نے کہا کہ نے کہا ہے کہ فوج سے درخواست کرتا ہوں حکمرانوں سے قوم کی جان چھڑائی جائے۔ انہوںنے کہاکہ عمران خان پر مشکل وقت آیا ہے ،ہر شخص کو اس کے ساتھ کھڑا ہونا چاہیے۔انہوںنے کہاکہ عوام کو سچ کے ساتھ کھڑا ہونا چاہئے ،ان چوروں سے جان نہ چھڑائی تو ملک ڈوب جائیگا۔انہوںنے کہاکہ میں نے جوانی کے 10سال قید میں گزارے،وہ 16بار وزیر رہے تاہم کسی غریب کو پارلیمنٹ جاتے نہیں دیکھا،واحدسیاسی ورکرہوں جس نے حلقے میں4ویمن یونیورسٹیاں بنوائیں۔سابق وفاقی وزیر داخلہ نے کہا کہ پیغام دینا چاہتا ہوں اگر اب بھی چوروں سے جان نہ چھڑانی تو ملک ڈوب جائیگا۔ انہوںنے کہاکہ عمران خان پر امتحان کا وقت آیا ہے،آج کا سچ عمران خان ہے اس کا ساتھ دیں۔
