اسلام آباد(آن لائن)پی ٹی آئی ممبر قومی اسمبلی شاندانہ گلزار خان پاسپورٹ کی حصول کے لئے اسلام آباد ہائی کورٹ سے رجوع کر لیا۔ درخواست میں موقف اختیار کیا گیا کہ 65 ویں خواتین کامن ویلتھ پارلیمنٹری کانفرنس میں شرکت کے لیے بیرون ملک جانا ہے،اسپیکر قومی اسمبلی کے کہنے پر پروٹوکول افسر نے پاسپورٹ دینے سے انکار کردیا،پاسپورٹ رکھنے سے درخواست گزار کی بنیادی حقوق متاثر ہورہے ہیں جو آرٹیکل 15 کی خلاف ورزی ہے، اسپیکر قومی اسمبلی سیاسی انتقام کا نشانہ بناکر جانبداری کی کوشش کررہے ہیں، درخواست گزار نے عدالت سے استدعا کی ہے کہ درخواست گزار کو ہراساں کرنے سے روک دیئے ۔بین الاقوامی کانفرنس میں شرکت کے لئے پاسپورٹ حوالے کیا جائے درخواست میں اسپیکر قومی اسمبلی اور ڈی جی پروٹوکول قومی اسمبلی فریق بنایا گیا۔

موضوعات:شاندانہ گلزار خان