لاہور(این این آئی)موسمیاتی تغیرات کا شکار پاکستان پر بھارت نے آبی جارحیت کرڈالی۔تفصیلات کے مطابق ورکنگ باؤنڈری کے علاقے ظفروال میں بھارت نے آبی جارحیت کرتے ہوئے نالہ ڈیک میں سیلابی پانی چھوڑدیا ہے، جس کے باعث نالہ ڈیک میں ظفروال کے

مقام پراونچے درجے کا سیلاب آگیا ہے۔میڈیا رپورٹ کے مطابق بھارتی آبی جارحیت کے باعث مقامی افراد میں سخت خوف وہراس پھیل گیا اور نشیبی علاقوں میں رہنے والے افراد نے بڑے پیمانے پر نقل مکانی شروع کردی ہے۔محکمہ انہار کے مطابق نالہ ڈیک میں اس وقت بارہ ہزارسیزائد کیوسک پانی کا ریلا گزر رہا ہے، رات گئے اس میں مزید اضافے کا امکان ہے۔دوسری جانب بھارت کی جانب سے دریائے چناب میں چھوڑاگیا ،سیلابی ریلہ جھنگ ہیڈ تریموں پہنچ گیا ہے، فلڈ کمیشن کے مطابق ہیڈ تریموں کے مقام پر پانی کے بہاؤمیں مسلسل اضافہ ریکارڈ کیا جارہا ہے۔ موسمیاتی تغیرات کا شکار پاکستان پر بھارت نے آبی جارحیت کرڈالی اس وقت ہیڈ تریموں کے مقام پر پانی کی آمد ایک لاکھ 10ہزارکیوسک تک جاپہنچی جس کے باعث حافظ آباد، پنڈی بھٹیاں، جلال پوربھٹیاں، چنیوٹ، گوجرانوالہ، سیالکوٹ کی سیکڑوں ایکڑ اراضی متاثرہوچکی ہے۔فلڈ کمیشن نے دریائے چناب اورراوی کے ندی نالوں میں سیلاب سے متعلق الرٹ جاری کرتے ہوئے بتایا کہ آئندہ چوبیس گھنٹے کے دوران طغیانی اورشدید سیلاب کا خدشہ ہے۔