پنجاب میں اہم وزارتوں کے لئے نام سامنے آ گئے
لاہور(این این آئی) وزیرداخلہ پنجاب کے لئے عمرسرفراز چیمہ اور فواد چوہدری کے نام پر غور کیا جارہا ہے
جبکہ راجہ بشارت کووزیر قانون پنجاب لگائے جانے کا امکان ہے۔تفصیلات کے مطابق پنجاب کابینہ سے متعلق اہم وزارتوں پر مشاورت جاری ہے،
وزیر داخلہ پنجاب کیلئے عمرسرفراز چیمہ اور فواد چوہدری کا نام زیر غور ہے۔نجی ٹی وی نے ذرائع کے حوالے سے بتایا کہ
راجہ بشارت کو وزیر قانون پنجاب اور ہاشم جواں بخت کو وزیر خزانہ پنجاب لگائے جانے کا امکان ہے
جبکہ چوہدری ظہیر الدین صوبائی وزیر پراسیکیوشنز پنجاب ہو سکتے ہیں۔ذرائع کا کہنا ہے کہ صوبائی کابینہ کے متوقع ناموں میں
میاں اسلم اقبال، میاں محمود الرشید، چوہدری ظہیر الدین، ڈاکٹر یاسمین راشد،حافظ محمد ممتاز، سمیع اللہ چوہدری، سردار آصف نکئی،
حافظ عمار یاسر شامل تھے۔ذرائع کے مطابق یاسر ہمایوں راجہ، تیمور خان بھٹی، مراد راس، محمد عبداللہ وڑائچ، محمد رضوان،
ساجد احمد خان، احسان الحق چوہدری، خدیجہ عمر کو بھی وزیر بنایا جاسکتا ہے۔ذرائع کے مطابق اس سلسلے میں حتمی فیصلہ چیئرمین تحریک انصاف عمران خان کے ساتھ مشاورت کے بعد کیا جائے گا۔
