حمزہ اور شہباز اپنا سامان پیک کرلیں،اہم پیغام دے دیا گیا
لاہور(این این آئی) سابق وزیر داخلہ شیخ رشید احمد نے کہا ہے کہ حمزہ اور شہباز اپنا سامان پیک کرلیں،
اکتوبر نومبر میں ہرصورت الیکشن ہوں گے قوم تیاری کر لے،ملک کو معاشی بحران کی قیامت سے بچانے کیلئے بہت تھوڑا عرصہ رہ گیا ہے،
سیاسی عدم استحکام ملک کو ڈیفالٹ کی طرف لے کر جا رہا ہے۔ٹوئٹر پر سلسلہ وار ٹوئٹس میں شیخ رشید نے کہا کہ
اگست سے پہلے ہمیں اہم فیصلے کرنے ہوں گے ورنہ شاید کوئی بھی حکومت نہ چلا سکے،مضبوط ریاست ہوگی تو سیاست بھی چلے گی،
آج ہمارے پاس خام مال کی امپورٹ کے لیے ڈالر دستیاب نہیں ہیں۔انہوں نے سوال کیا کہ اہم قانونی معاملے کو چھوڑ کر اٹارنی جنرل ملک سے باہر کیوں گئے؟،
(ن) لیگ عدلیہ کے خلاف کس ایجنڈے پر نکلی ہے۔ انہوں نے کہا کہ اکتوبر، نومبر میں ہر صورت الیکشن ہوں گے، قوم تیاری پکڑ لے۔ پنجاب چلا گیا تو وزیراعظم سی ڈی اے کا چیئرمین رہ جائے گا۔
