اسلام آباد (آن لائن) ترجمان پی ڈی ایم حافظ حمداللہ نے کہا ہے کہ طویل عرصہ تک خود بابا اسٹیبلشمنٹ کاترجمان رہنے والا فواد چوہدری اب اسی اسٹیبلشمنٹ کے منہ پر خون لگنے کی بات کر رہا ہے ۔
رسوائی اب تحریک انصاف کی مقدر بن چکی ہے۔ فواد چوہدری کے بیان پر ردعمل دیتے ہوئے انہوں نے کہا کمال ہے اسٹیبلشمنٹ کے منہ پر خون لگنے کی بات وہ فواد چوہدری کررہا ہے جو کہ خود طویل عرصہ بابا اسٹیبلشمنٹ جنرل مشرف کاترجمان رہاہے۔ انہوں نے کہا فواد چوہدری اسی خون کی پیداوار اور چار سال مستفید ہوتے رہے ہیں ۔ انہوں نے کہا اسٹیبلشمنٹ کی بلی اسٹیبلیشمنٹ کو ہی میاوں میاوں کررہاہے۔ انہوں نے کہا فواد چوہدری نے اپنے اوقات سے بڑھ کر بات کرکے ریڈ لائن کراس کردی۔ انہوں نے کہا تحریک انصاف کا ایجنڈا قوم کو اداروں کے خلاف بھڑکانا اور جہاد کے نام پر فساد پھیلاناہے تاہم رسوائی اب تحریک انصاف کی مقدر بن چکی ہے۔ اور ہر طرف سے عمران نیازی کو ذلت اور بدنامی کاسامنا کرنا پڑھ رہاہے۔ انہوں نے کہا قومی سلامتی کمیٹی کے بعد سپریم کورٹ نے بھی عمرانی سازشی بیانیہ کو مسترد کرکے دفن کردیا۔
