انٹرنیشنل رکنیت بحال، پاکستان فٹ بال پر عائد پابندیاں ختم

اسلام آباد (این این آئی)فیفا نے پاکستان کی انٹرنیشنل رکنیت بحال کردی۔ میڈیا رپورٹ کے مطابق پاکستان فٹبال پر عائد پابندیاں

ختم کرنے کا اعلان کردیا،پاکستانی ٹیموں پر انٹرنیشنل فٹبال کے دروازے کھل گئے،ملکی سطح پر فٹبال سرگرمیوں کا سلسلہ بھی بحال ہوگا،

فیفا کی نارملائزیشن کمیٹی الیکشن کیلئے پیش رفت کرے گی۔چیئرمین نارملائزیشن کمیٹی ہارون ملک کے مطابق

فٹبال ہائوس پر اشفاق گروپ کا قبضہ معطلی کا سبب بنا تھا۔ انہوںنے کہاکہ فٹبال برادری کو مبارکباددیتا ہوں ۔

ہارون ملک نے کہاکہ این سی کی انتھک محنت اور فٹبال فیملی کی دعائیں رنگ لے آئیں، فیفا نے این سی کے مینڈیٹ میں بھی ایک سال کی توسیع کردی۔

انہوں نے کہاکہ فٹبال کی بحالی، پی ایف ایف الیکشنز کا انعقاد اور اثاثہ جات کی واپسی اولین ترجیح ہو گی۔

موضوعات:فیفا