لاہور(این این آئی)وزیر اعظم شہباز شریف سے جہانگیر ترین گروپ کے عون چوہدری نے ملاقات کی۔وزیراعظم شہباز شریف سے لاہور میں ہونے والی اس ملاقات میں معاون خصوصی برائے سیاحت اور کھیل عون چوہدری نے ملکی سیاسی صورتحال سمیت باہمی دلچسپی کے امور پر تبادلہ خیال کیا۔ملاقات میں لاہور کے ضمنی انتخابات اور مجموعی سیاسی صورتحال پر بھی تبادلہ خیال کیا گیا۔وزیراعظم شہباز شریف سے رکن قومی اسمبلی چوہدری خالد جاوید وڑائچ نے بھی ملاقات کی اور ملکی سیاسی صورتحال اور باہمی دلچسپی کے امور پر تبادلہ خیال کیا۔