روم (این این آئی) سوشل میڈیا اسٹار کابی لامے اپنی مزاحیہ ویڈیوز میں بولے بغیر سوشل میڈیا صارفین کو ہنسا کر ٹک ٹاک پر سب سے زیادہ فالو کیے جانے والی شخصیت بن گئے۔میڈیا رپور ٹ کے مطابق 14کروڑ 29لاکھ فالوورز کے ساتھ کابی لامے نوعمر ڈانسر چارلی ڈی امیلو

کو پیچھے چھوڑ کر ٹک ٹاک پر سب سے زیادہ فالو کیے جانے والے شخص بن گئے ہیں۔کابی لامے افریقی ملک سینیگال میں پیدا ہوئے لیکن بعد میں ان کی فیملی نے اٹلی ہجرت کرلی تھی۔کابی لامے ٹک ٹاک پر بِنا آواز کے اشاروں میں مزاحیہ ویڈیوز بناتے ہیں اور دنیا بھر میں موجود صارفین ان کی ویڈیوز کو بیحد پسند کرتے ہیں۔ٹک ٹاک اسٹار کے اکائونٹ کا جائزہ لیا جائے تو انہوں نے اپنے اکائونٹ سے صرف 73صارفین کو فالو کیا ہوا ہے جبکہ ان کی تمام ویڈیوز پر اب تک 2.3بلین لائکس آچکے ہیں۔غیر ملکی میڈیا رپورٹس کے مطابق کابی لامے کو عالمی وباء کورونا کے باعث بحران کے سبب ملازمت سے نکال دیا گیا تھا۔ملازمت سے فراغت کے باعث انہوں نے ٹک ٹاک پر بنا بولے مزاحیہ ویڈیوز بنانا شروع کیں جس سے ان کی مقبولیت دنیا بھر میں ہونے لگی۔کابی لامے زندگی مشکل بنانے والی چیزوں کو آسان کرنے کے طریقے بتانے کے باعث دنیا بھر میں مشہور ہوئے۔