اسلام آباد (این این آئی)وزیر اطلاعات مریم اورنگزیب نے کہا ہے کہ عمران خان کی مہنگائی کی لگائی کی آگ بجھائیں گے۔اپنے بیان میں مریم اور نگزیب نے کہاکہ عمران صاحب خود بنی گالہ میں چھپ کر عوام کو سڑکوں پر بلا رہے ہیں ۔ انہوںنے کہاکہ عمران صاحب عوام کو
احتجاج کی کال نہ دیں، اپنی نالائقی اور ناہلی کا ماتم کریں۔انہوںنے کہاکہ عمران صاحب عوام چند ہیروں، سینکڑوں کنال زمین اور مالی فوائد کے لئے قومی اور عوام مفاد پر سودا کرنے والوں کے ساتھ نہیں نکلتی ۔ انہوںنے کہاکہ عوام جھوٹے ، منافق نالائق اور نااہل کے ساتھ نہیں نکلتے،عمران صاحب نالائقوں، نااہلوں، چوروں اور آئین شکنوں کی کال پہ کوئی نہیں نکلتا۔انہوںنے کہاکہ کال نہ دیں، اپنی لائی مہنگائی اور معاشی تباہی کی ذمہ داری کا اعتراف کرتے ہوئے اللہ تعالی اور عوام سے معافی مانگیں۔انہوںنے کہاکہ عوام جانتے ہیں کہ مہنگائی کی تباہی عمران صاحب لائے، آئی ایم ایف سے کمزور بنیادوں پہ معاہدہ عمران صاحب کرکے گئے ۔انہوںنے کہاکہ ملک میں مہنگائی کے زمہ دار عمران خان ہیں،عوام مہنگائی اور بے روزگاری کے ذمہ دار کے ساتھ نہیں نکلتے۔ انہوںنے کہاکہ عوام معاشی تباہی کے زمہ دار کے ساتھ نہیں نکلتے،عوام خونی مارچ والوں اور مسلح جتھوں کے ساتھ نہیں نکلتے۔ انہوںنے کہاکہ عوام بے گناہ پولیس والوں کو گولیاں مار کے شہید کرنے والوں کے ساتھ نہیں نکلتے۔انہوںنے کہاکہ عاشی تباہی اور مہنگائی کا گند عمران صاحب نے پھیلایا، حکومت اسے صاف کر رہی ہے ۔ انہوںنے کہاکہ عمران صاحب نے سازش کی کہ پاکستان ڈیفالٹ کر جائے، حکومت ملک اور عوام کو بچانے آئی۔ انہوںنے کہاکہ آئی ایم ایف سے معاہدہ کرکے اس کی خلاف ورزی کی اور پاکستان کی ساکھ خطرے میں ڈالی، اس کے ذمہ دار عمران صاحب آپ ہیں۔
