سوات (این این آئی)سوات کے علاقے مرغزار کے جنگلات میں لگنے والی آگ پر اب تک قابو نہیں پایا جاسکا، ریسکیو کے مطابق آگ تیزی سے آبادی کی طرف بڑھ رہی ہے۔ریسکیو کے مطابق مرغزار کے جنگلات میں لگنے والی آگ کو بجھانے میں ریسکیو کے علاوہ سول ڈیفنس، پولیس، پاک فوج کے جوان اور مقامی رضاکار حصہ لے رہے ہیں۔آگ پھیلنے کے بعد مقامی مساجد میں بھی اعلانات کئے گئے ہیں اور شہریوں سے آگ بجھانے میں مدد کی اپیل کی گئی ہے۔ریسکیو کے مطابق آگ بجھانے کیلئے فائر ٹینڈر اور ریسکیو کی نئی ٹیمیں روانہ کردی گئی ہیں۔