اسلام آباد (مانیٹرنگ ڈیسک)ملک میں پری مون سون بارشوں کا آغاز ہو گیا ہے جبکہ شیخوپورہ میں ژالہ باری کے بعد موسم بہتر ہو گیا ہے۔نجی ٹی وی کے مطابق لاہور میں بھی ہفتے کی شام آندھی اور گرج چمک کے ساتھ بارش ہوئی جبکہ فیصل آباد،

جھنگ اور ٹوبہ ٹیک سنگھ سمیت دیگر شہروں میں بھی آندھی کے بعد بارش ہوئی۔دوسری جانب آج اتوار کے روز ملک کےبیشتر میدانی علاقوں میں موسم شدید گرم اور خشک جبکہ بعد دوپہر /شام وسطی وجنو بی پنجاب اور بالائی سندھ میں گرد آلود ہوائیں /آ ندھی چلنے کے علا وہ بالائی خیبرپختونخوا، کشمیر،گلگت بلتستان،اسلام آباد ، خطۂ پوٹھوہار، بالائی پنجاب اوربالائی ووسطی بلوچستان میں آندھی اورگرج چمک کے ساتھ بارش کی توقع ہے ۔ محکمہ موسمیات کے مطابق پیر کے روز ملک کےبیشتر میدانی علاقوں میں موسم شدید گرم اور خشک جبکہ بعد دوپہر /شام وسطی وجنو بی پنجاب اور بالائی سندھ میں گرد آلود ہوائیں /آ ندھی چلنے کے علا وہ بالائی خیبرپختونخوا، کشمیر،گلگت بلتستان اور خطۂ پوٹھوہار میں آندھی اورگرج چمک کے ساتھ بارش کی توقع ہے ۔ گذشتہ 24 گھنٹے کا موسم ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہا۔ تاہم وسطی و جنوبی پنجاب ، شمال مشرقی بلوچستان ، گلگت بلتستان ، کشمیر اور کالام میں بعض مقامات پر تیزہواؤں اور گرج چمک کے ساتھ بارش ہوئی۔

سب سے زیادہ بارش(ملی میٹر): پنجاب:جھنگ 15، فیصل آباد12،بلوچستان:سبی 14، کوہلو 04،گلگت بلتستان : بابوسر02 اور خیبر پختونخوا :

کالام میں 01ملی میٹر بارش ریکارڈ ہوئی۔گزشتہ روز ریکارڈکیےگئےزیادہ سےزیادہ درجہ حرارت: سبی47، بھکراور دادومیں 46 ڈگری سینٹی گریڈ ریکارڈ کیا گیا۔