راولپنڈی (این این آئی)راولپنڈی کے تھانہ دھمیال کے علاقے میں ناخلف بیٹے کے ہاتھوں پیڑول چھڑک کر جلائی جانے والی ماں دم توڑ گئی۔میڈیا رپورٹ کے مطابق والدہ مسماتہ رفعت اور والد شبیر احمد کو سگے بیٹے وسیم نے گھریلو جھگڑے پر پیڑول چھڑک کر آگ لگادی تھی جسکا مقدمہ تھانہ دھمیال میں درج کیا گیا۔دونوں زخمی والدین کو ہولی فیملی اسپتال راولپنڈی کے برن یونٹ میں زیر علاج تھے، جہاں والدہ رفعت زخموں کی تاب نہ لاتے ہوئے دم توڑ گئیں جبکہ شبیر احمد کا علاج جاری ہے جنکی حالت بھی تشویشناک بتائی جارہی ہے۔ایس ایچ او تھانہ دھمیال کا کہنا ہے کہ ناخلف بیٹے وسیم کو عدالت میں پیش کرکے 4 دن کا ریمانڈ حاصل کرلیا جبکہ مقدمے میں قتل کی دفعات بھی شامل کرلی گئیں ۔