پشاور(این این آئی) الیکشن کمشنر خیبر پختونخوا فرید آفریدی نے کہا کہ الیکشن کمیشن کی جانب سے جنرل الیکشن 2023کی تیاریاں جاری ہیں،صوبے میں 19 جون تک ووٹر لسٹ ڈسپلے سنٹر فعال رہیں گے ۔صوبائی الیکشن کمشنرفرید آفریدی کا پریس کانفرنس میں کہنا تھا کہ ووٹر لسٹ سے متعلق صوبے میں 2ہزار83 ڈسپلے سنٹر بنائے گئے ہیں،19جون تک ڈسپلے سنٹر فعال رہیں گے،فرید آفریدی کا کہنا تھا کہ جنرل الیکشن کے لئے تیاریاں آخری مراحل میں ہیں۔الیکشن کمیشن آئین کے مطابق الیکشن کروانے کے لیے تیارہے۔ضم اضلاع کی شمولیت سے کے پی میں ووٹرزکی تعداد 2کڑور9لاکھ ہوگئی۔انتقال کرنے والے 7لاکھ افراد کے نام ووٹرز لسٹ سے نکال دیئے گئے ہیں۔