مریم نواز نے سوشل میڈیا پوسٹ دیکھ کر’بلڈ کینسر’ کی مر یضہ کے علاج کی حامی بھرلی

اسلام آباد (این این آئی)مسلم لیگ (ن) کی نائب صدر مریم نواز نے بلڈ کینسر کی شکار لڑکی کا علاج کروانے کی حامی بھرلی۔

ٹوئٹر پر نجی ٹی وی چینل کے صحافی نے بلڈ کینسر کی شکار لڑکی کی ویڈیو شیئر کی جس میں انہوں نے وزیر اعظم شہباز شریف اور مریم نواز کو مینشن کرتے ہوئے مدد کی اپیل کی تھی۔

صحافی نے لکھا کہ بہت مجبور فیملی ہے، 16 سالہ بچی بلڈ کینسر سے ماں باپ کے سامنے سسک رہی ہے، حکومت کے لیے کوئی بڑی بات نہیں،

ان کی مدد کی جائے، ایک زندگی بچ سکتی ہے۔ٹوئٹ کا جواب دیتے ہوئے مریم نواز نے اس لڑکی کے گھر والوں کا نمبر طلب کیا۔

مریم نواز کے جواب پر صحافی نے بچی کے والد کا نام اور فون نمبر انہیں بھیج دیا تھا اور ساتھ ہی شکریہ بھی ادا کیا۔صحافی کے ٹوئٹ پر مریم نواز نے مزید کہا کہ اب یہ میرا کام ہے، آپ کا شکریہ۔