عامر لیاقت کی وفات پر عمران خان کی ٹوئٹ
اسلام آباد (این این آئی)ممتاز ٹی وی اینکر، مقرر اور ایم این اے عامر لیاقت انتقال کرگئے، ان کی وفات پر سابق وزیراعظم عمران خان نے بھی افسوس کا اظہار کیا ہے۔
عامر لیاقت گزشتہ شب کراچی میں واقع اپنے کمرے میں بے ہوش پائے گئے،ملازمین کی اطلاع پر عامر لیاقت کو ہسپتال منتقل کیا گیا جہاں ان کی موت کی تصدیق کردی گئی۔
ملازمین کے مطابق گذشتہ رات عامر لیاقت کے دل میں تکلیف ہورہی تھی انہیں ہسپتال جانے کا کہا تاہم انہوں نے انکار کردیا۔ڈاکٹرز کے مطابق
عامر لیاقت کو مردہ حالت میں ہسپتال لایا گیا، ان کی میت پوسٹ مارٹم کیلئے جناح ہسپتال بھجوادی گئی ہے۔ پولیس سرجن کی سربراہی میں تین رکنی ٹیم اہل خانہ کی اجازت ملنے کے بعد پوسٹ مارٹم کرے گی۔
عامر لیاقت کی وفات پر عمران خان نے ٹوئٹر پر عامر لیاقت کے اہلخانہ سے اظہار ہمدردی کیا۔انہوں نے لکھا کہ ہمارے ایم این اے عامر لیاقت کے
انتقال کی خبر سن کر صدمہ ہوا، میری ہمدردیاں اور دعائیں ان کے خاندان کے ساتھ ہیں۔خیال رہے کہ عامر لیاقت حسین نے 2018 کا الیکشن
پاکستان تحریک انصاف کے ٹکٹ پر لڑا تھا۔ پی ٹی آئی سے اختلافات کے باوجود انہوں نے پارٹی چھوڑنے کا باضابطہ اعلان نہیں کیا تھا۔
Saddened to learn of the passing of our MNA Aamir Liaquat. My condolences and prayers go to his family.
— Imran Khan (@ImranKhanPTI) June 9, 2022
