پاک فوج کو گالیاں نکالنے والی ریٹائرڈ فوجی افسر کی بیگم کا سافٹ وئیر اپ ڈیٹ ہو گیا
اسلام آباد (مانیٹرنگ ڈیسک) پاک فوج کو گالیاں نکالنے والی ریٹائرڈ فوجی افسر کی بیگم کا سافٹ وئیر اپ ڈیٹ ہو گیا،
سوشل میڈیا پر گزشتہ روز ایک ویڈیو وائرل ہوئی جس میں سابق فوجی افسر کی بیوی نے انتہائی سخت الفاظ استعمال کئے اور گالیاں بھی دیں،
اب ویڈیو وائرل ہے جس میں وہ پاک فوج کی دل آزاری پر معافی مانگ رہی ہیں۔اس پر سوشل میڈیا پر فقرہ استعمال کیا جا رہا ہے کہ سافٹ ویئر اپ ڈیٹ ہو گیا ہے‘
خاتون کا ویڈیو میں کہنا تھا کہ یہ ایک پراپیگنڈہ ہے، میرے وطن اور میری فوج کے خلاف، میں اپنی آرمی کے ساتھ کھڑی ہوں،
پاک فوج زندہ باد، میر ی فوج اور میرے پاکستان کو جب بھی میری ضرورت ہو گی میری جان بھی حاضر ہے،اگر پھر بھی مجھ سے کوئی تکلیف پہنچی ہو یا اگر جعلی خبروں سے بھی ان کی دل آزاری ہوئی ہے تو میں ان سے معافی مانگتی ہوں،
ان کا کہنا تھا کہ یہ میرافخر ہے، میری بے عزتی نہیں ہے کہ اگر میں اپنی فوج سے کہوں کہ اگر آپ کو میری وجہ سے کوئی تکلیف پہنچی ہے تو میں ان سے معافی مانگتی ہوں۔
