رانا ثنا اللہ کو بڑا ریلیف مل گیا
لاہور( این این آئی)لاہور ہائیکورٹ نے وفاقی وزیر داخلہ رانا ثنااللہ ، سی سی پی او ، ڈی آئی جی آپریشنز سمیت دیگر پولیس افسران کے خلاف مقدمہ درج کرنے کا سیشن کورٹ کا فیصلہ معطل کر دیا ۔ لاہور ہائیکورٹ کے جسٹس سردار سرفراز ڈوگر نے درخواست پر سماعت کی ۔سیشن کورٹ نے لانگ مارچ کے دوران وکلا ء پر تشدد کے معاملے میں وزیر داخلہ رانا ثنااللہ ، سی سی پی او، ڈی آئی جی آپریشنز اوردیگر پولیس افسران کے خلاف مقدمہ درج کرنے کا حکم دیا تھا ۔لاہورہائیکورٹ نے فریقین کو نوٹس جاری کر کے آئندہ سماعت پر جواب طلب کر لیا۔
