حئدرآباددکن(این این آئی )بھارتی شہر حیدرآباد میں نوجوان لڑکی سے اجتماعی زیادتی کرنے والے 5 میں سے 3 ملزمان کو گرفتار کرلیا گیا۔بھارتی ٹی وی کے مطابق پولیس نے بتایا کہ زیر حراست ایک ملزم تلنگانہ راشٹرا پارٹی کے مقامی رہنما کا بیٹا ہے۔17 سالہ لڑکی کو 5 ملزمان نے اس وقت مبینہ طور پر اجتماعی زیادتی کا نشانہ بنایا تھا جب وہ 28 مئی کو ایک دعوت سے گھر واپس جارہی تھی۔پولیس نے متاثرہ لڑکی کے بیان اور سی سی ٹی وی کی مدد سے پانچوں ملزمان کی شناخت کرلی ہے، گرفتار ملزمان میں سے تین 18 سال سے کم عمر ہیں۔ریاست تلنگانہ کے دارالحکومت حیدرآباد میں پچھلے ہفتے نوجوان لڑکی سے ملزمان نے گاڑی میں اجتماعی زیادتی کی۔ بی جے پی رہنماوں نے الزام لگایا کہ ریاست کی حکمران پارٹی کیس پر اثرانداز ہونے کی کوشش کر رہی ہے۔