کوہاٹ(مانیٹرنگ ڈیسک ٗ این این آئی)چیئرمین تحریک انصاف عمران خان نے کوہاٹ جلسے میں لائٹنگ کا انتظام ٹھیک نہ ہونے پر شہریار آفریدی کو ڈانٹ پلا دی۔گزشتہ روز پاکستان تحریک انصاف نے کوہاٹ میں جلسہ کیا تھا جس سے چیئرمین پی ٹی آئی عمران خان نے بھی خطاب کیا تھا۔جلسے سے خطاب کے دوران عمران خان کا کہنا تھا کہ اتنا بڑا اسٹیڈیم تو بھرا ہوا ہے لیکن آدھا

اسٹیڈیم نظر ہی نہیں آرہا کیونکہ لائٹنگ ٹھیک نہیں ہے۔عمران خان نے افسوس کا اظہار کرتے ہوئے کہا کہ شہریار آفریدی کا انتظام اتنا کمزور تھا، شہریار آفریدی آئندہ کسی اور کو انتظام دینا۔بعد ازاں عمران خان نے کامیاب جلسے کے انعقاد پر شہریار آفریدی اور ضیاء اللہ بنگش کو مبارکباد بھی دی ۔علاوہ ازیں جلسے سے خطاب کرتے ہوئےپاکستان تحریک انصاف کے چیئرمین عمران خان نے کہا ہے کہ سپریم کورٹ کا لوٹوں کے خلاف جو فیصلہ ہوا ہم اس پر اْن کا شکریہ ادا کرتے ہیں،سپریم کورٹ شریف خاندان کے چالیس ارب روپے کے کیسز کی یومیہ بنیاد پر سماعت کرے ،شہباز شریف فوجی اور امریکی بوٹ اچھی طرح سے پالش کرتا ہے،آئی ایم ایف سے مذاکرات میں امریکا سے ڈالرز مانگیں گےاور کہیں گے کہ ہمیں ڈالر دے دو ورنہ عمران خان آجائے گا ،قرضہ ایسے نہیں ملے گا ،امریکا مزید غلامی کروائیگا، شہباز شریف عہدہ سنبھالنے کے بعد پریشان ہے اور پھنس گیا ہے ،آگے سمندر اور پیچھے ٹائیگرز ہیں،ہمیں کہتے تھے کہ ہم نااہل اور یہ تجربہ کار ہیں مگر اب ان کا تجربہ کہاں گیا ، ہم عوام میں آرہے ہیں اور یہ چھپتے پھر رہے ہیں۔

PTI Chairman @ImranKhanPTI publicly slams @ShehryarAfridi1 for bad lighting in PTI’s #Kohat Jalsa.

Is this is a sign of good leadership to publicly humiliate one’s colleagues? #Pakistan #PTIKohatJalsa pic.twitter.com/3OeKmwKFpr

— Hamza Azhar Salam (@HamzaAzhrSalam) May 17, 2022

موضوعات:شہریار آفریدی