اسلام آباد (این این آئی)تحریک انصاف کے رہنما و سابق وزیر اطلاعات فوادچوہدری نے کہا ہے کہ سازش کیوں نہیں روکی گئی اس پر اب بات کرنیکافائدہ نہیں ہے،کوئی بھی حکومت مدت پوری نہیں کرتی اس پر سب کو سوچنا ہو گا۔ایک انٹرویومیں فوادچوہدری نے کہا کہ اتحادی جماعتیں جب ہمیں چھوڑرہی تھیں تواس وقت معیشت پربریفنگ رکھی

عمران خان نے شوکت ترین کوہدایت کی کہ معیشت سے متعلق آگاہ کریں شوکت ترین معیشت سے متعلق اتحادی جماعتوں کومکمل بریفنگ دی۔انہوں نے کہا کہ سندھ میں حالات بہت خراب ہیں اس پر کوئی مخالفت نہیں کریگا عمران خان کاشروع سے مؤقف رہا ہے سندھ میں بیڈگورننس ہے عمران خان کرپشن کیخلاف ہیں،سندھ میں کرپشن عروج پرہے۔فوادچوہدری نے کہا کہ بلاول بھٹوسے میری کوئی بات چیت نہیں ہوئی،مارشل لاکی باتیں تومیڈیامیں بطورتجزیہ کر چکا ہوں میں نے کہاتھا سسٹم کو ڈی گریڈ کیا جا رہا ہے،مارشل لا کو دعوت دی جارہی ہے،پاکستان میں 5،6 پاور سینٹر ہیں اور گیندان کے درمیان گھومتی ہے سارے پاورسینٹرزمیں ایک چیزمشترکہ ہے دوسرے کوطاقتورنہیں دیکھ سکتے۔انہوں نے کہاکہ ہمارا ایسا نظام ہونا چاہیے کہ سہارا دے کر دوسرے کو اوپر کرنا چاہیے۔ سابق وزیر نے کہاکہ الیکشن کی طرف توہرصورت جانا ہے،فیصلہ یہ کرنا ہے کہ زیادہ نقصان کر کے الیکشن میں جاناہے یا کم، لانگ مارچ کااعلان تو 20 تاریخ کو ہو گا۔ انہوں نے کہاکہ راناثنااللہ کہتے ہیں لوگوں کوپکڑکرجیلوں میں ڈالیں گے،لوگوں کوپکڑکرجیلوں میں ڈالیں گے تواس سے انتشار بڑھے گا۔ دوسری جانب سیالکوٹ واقعہ پر انہوں نے بات کرتے ہوئے جلسے روکنا گرفتاریاں کرنا بھونڈی باتیں ہیں، عمران خان کی حکومت میں پاکستان استحکام کی طرف جا رہا تھا امریکہ کے حکم پر سازش کے ذریعے رجیم چینج کر دی گئی، بڑے ڈاکو مسلط کئے گئے یہ پاکستان کو سری لنکا بنا کر چھوڑیں گے۔